Dhjetëra emigrantë kalojnë në Spanjë nga Maroku

15:18 | 7 Gusht 2017
Arbresh.info

Dhjetëra emigrantë sub-Saharianë kaluan në Spanjë nga Maroku në orët e hershme të së hënës pasi kaluan nëpër një portë kufitare në enklavën e Ceutës, thanë shërbimet e emergjencës.

Emigrantët tërë kohën tentojnë të kalojnë kufijtë e Spanjës përmes dy enklavave të Afrikës Veriore, Ceuta dhe Melilla, shpeshherë duke kaluar rrethoja deri në 6 metra të larta, transmeton portali arbresh.info.

Të hënën, një grup prej më shumë se 100 emigrantësh vrapuan përmes një porte në rrethojat që zakonisht përdoren si kontroll kufitar, duke befasuar forcat marokene dhe spanjolle të sigurisë, raporton Reuters.

Kryqi i Kuq tha se kishte ndihmuar 186 vetë pas tollovisë në mëngjes përtej kufirit, duke shtuar se katër emigrantë u dërguan në spital.

Pasi ndodhen brenda enklavave të Spanjës, migrantët zakonisht merren në strehimore të përkohshme dhe më vonë zhvendosen në territorin spanjoll, ose kthehen në vendin e tyre të origjinës./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm